Zuzeneko online ingeles ikastaroak 6 eta 17 urte bitarteko haur eta gazteentzat

British Council Erresuma Batuko nazioarteko erakundea da kultur-harremanetarako eta hezkuntza aukeretarako.

Gure betiko kalitatea, orain online

Gure lehentasuna beti izan da gure ikasleen eta bere familien osasuna eta segurtasuna. Horregatik, uda honetan, gure udako eskaintza ingurune birtual batean garatuko dugu.

Astelehena eta ostirala bitarteko gure online uda ikastaroek modu ezin hobean uztartzen dituzte irakaslearekin egiten diren online eskolak, ikaskuntza helburu argiak dituzten proiektuak eta ikastaroan zehar ikasitako hizkuntza barneratzeko aukera emango dieten jarduera indibidualak. Modu horretan, ondo pasatzen duten bitartean, bere ingeles-mailan aurrera egitea lortuko dugu.

Ikastaro birtualetan adituak

British Councilek esperientzia handia du nazioarte mailan ingeles ikastaro birtualei dagokionez. Horri esker, hainbat urtez eraginkortasuna frogatu duten ingurune birtualerako garatutako berariazko sistemak eta metodologiak ditugu.

Malgutasunik handiena

Zure semeak/alabak bere ingeles-maila hobetzeko uda ahalik eta gehien aprobetxatzea nahi dugu. Horregatik, gure Summer Online ikastaroak diseinatuta daude ahalik eta malgutasun handiena izateko. 4 aste ezberdin egin ahal izango dituzte uztaila, abuztua edo irailean, data ezberdinetan, zuen udara ere ahalik eta modurik egokienean egokitzeko.

Lehen hezkuntza: 6 -11 urte. Konfiantza eta sormena.

  • ZUZENEKO ONLINE ESKOLAK IRAKASLEAREKIN: Ikasleek gure Primary Plus programa ezaguna jarraituko dute eta, astero, bizitza errealeko gai batean oinarritutako modulu batean zentratuko dira zenbait proiektu eginez. 
  • GIDATUTAKO JARDUERAK, learning hub plataformaren bidez, ikasleek asmakizunak, probak edo kantak egingo dituzte beren irakaslearekin izango duten online saioak prestatzeko. Gainera, proiektuak bidali ahal izango dizkiote irakasleari ebaluatu ditzan.
  • EGUNEROKO WEBINAR DIBERTIGARRIAK: Irakaslearekin eta English Online proiektuekin izango diren eguneroko eskolez gain, ikasleek 30 minutuko iraupena izango duten webinar-etan parte hartzeko aukera izango dute. Saio horietan, adibidez, eskulanak, ipuinak, kirola eta yoga, sukaldaritza, zientzia esperimentuak edo programazioa bezalako gaiak jorratuko dira… eta hori guztia, ingelesez, noski!

Elementu horiek guztiak nahasteko trebezia da ezberdintzen gaituena eta dinamika positiboa eragiten du taldean; horri esker, ikasle guztien ikaskuntza azkartzen da eta horien garapen integrala ahalbidetzen da.

 

Bigarren hezkuntza: 12 -17 urte. Ingurune global baterako prest.

Bigarren Hezkuntzako eta Batxilergoko zazteentzako Summer Online ikastaroak honako modu honetan egituratuta daude:

  • ZUZENEKO ONLINE ESKOLAK IRAKASLEAREKIN, Secondary Plusen oinarrituta. Secondary Plus British Councilen programa esklusiboa da eta gure ikasleak nazioarteko inguruneetan ingelesez konfiantzaz aritzeko trebatzen ditu. Hemen, idatzitako proiektu, aurkezpen edo eztabaida bat garatuko dute. Proiektu horiek ingelesez hitz egiten eta haien komunikazio-gaitasuna, taldean lan egiteko gaitasuna eta gaitasun digitalak garatzen lagunduko diete. Horiek guztiak XXI. menderako ezinbesteko trebeziak dira.
  • SUMMER INTERNATIONAL, non ikasleek beste herrialdeetako British Councileko ikasleekin harremanetan jartzeko eta elkarlanean aritzeko aukera duten, antzekoak eta baita ezberdinak ere diren ezaugarri kulturalak elkar-trukatzeko atazak eginez. Jarduera horrek nazioarteko dimentsioa ematen dio hezkuntza-programari.

Cambridge azterketen prestaketa: 11 eta 17 urte bitartekoentzat

Ikastaro horiei esker zure semeak/alabak ahalik eta emaitzarik onena lortuko du Cambridgeko Preliminary for Schools (B1), First for Schools (B2) edo Advanced (C1) azterketetan. Ariketa, aurreko deialdietako azterketa errealekin egindako praktika eta proba bakoitza gainditzeko ikasketa-tekniken bidez, gure irakasle adituek zure semea/alaba azterketa egunera ahalik eta prestakuntzarik onenarekin iristen dela bermatuko dute.

AZTERKETA-SIMULAZIOAK ETA ADITUEN AHOLKUAK: ikastaroan zehar simulazio oso bat egiteko aukera izango da eta bertan lortutako emaitzen inguruko feedback-a emango da. Era berean, Cambridge azterketetan aditua den pertsona batek emango duen masterclass batean parte hartzeko aukera ere izango da. Bertan, azterketan ahalik eta emaitzarik onena lortzeko aukerak biderkatzeko hainbat gako azalduko dira.

ONLINE PRAKTIKAK GUREKIN MATRIKULATZEN BAZARA: Gainera, azterketarako matrikula gurekin egiten baduzu, azterketa osatzen duten atal ezberdinak praktikatzeko aukera emango dizun plataforma digital baterako sarbidea izango duzu.

Datak eta ordutegiak

Ikastaroak uztaila, abuztua eta irailean zehar irakatsiko dira eta jarraian azaltzen den moduan aukera daiteke:

  • SUMMER ONLINE – LEHEN ETA BIGARREN HEZKUNTZA: Lehen eta Bigarren Hezkuntzarako gure Summer Online ikastaroak astetan banatuta egin daitezke. Ikastaro osoak astebeteko iraupena duten 4 modulu ditu. Malgutasun handiagoa izateko, aste solteak aukera daitezke: 1, 2 edo 3 aste; edo, 2 aste uztailean eta beste bi abuztuan ikastaro osoa egin nahi bada, baina tartean oporrak daude. Bi ordutegi dira aukeran: 09:45-11:55 eta 12:15-14:25. Prezioa 195€koa da aste bakoitzeko.
  • AZTERKETEN PRESTAKETA: Azterketak prestatzeko gure Summer Online ikastaroak bi motakoak dira: 30 ordu bi astetan banatuta edo 60 ordu lau astetan banatuta. Ordutegia, honako hau litzateke: 10:00-13:30 (16:00-19:30 irailaren 7 eta 18 bitartean. 15 minutuko bi atsedenaldi). Prezioa: 475€ bi aste eta 30 orduko ikastaroen kasuan eta 895€ lau aste eta 60 orduko ikastaroen kasuan.

DATAK ETA ORDUTEGIAK:

 

It's all about the future
Share this